ഇന്ത്യൻ റെയിൽവേയിലെ ലോക്കോ പൈലറ്റുമാരുടെ (ട്രെയിൻ ഡ്രൈവർമാർ) ജോലി സാഹചര്യങ്ങൾ, ശമ്പളം, വിശ്രമ സമയം, മറ്റ് അവകാശങ്ങൾ എന്നിവ മെച്ചപ്പെടുത്തണമെന്ന് ആവശ്യപ്പെട്ട് സമരം ചെയ്യാൻ തുടങ്ങിയിട്ട് നാളേറയായി. ലക്ഷക്കണക്കിന് മനുഷ്യർ നിത്യ ജീവിതത്തിൽ ആശ്രയിക്കുന്ന രാജ്യത്തെ ഏറ്റവും പ്രധാന ​ഗതാ​ഗത മാർ​ഗമായ ട്രെയിൻ നിയന്ത്രിക്കുന്ന ലോക്കോ പെെലറ്റുമാർക്ക് വിശ്രമം നിഷേധിക്കുന്നതിലൂടെ വലിയ ദുരന്തങ്ങളാണ് ഇന്ത്യൻ റയിൽ വരുത്തിവെക്കുന്നത്. അടുത്തകാലത്തുണ്ടായ ട്രെയിൻ ദുരന്തങ്ങളിൽ ലോക്കോ പെെലറ്റുമാരെ പ്രതികൂട്ടിൽ നിർത്തുന്ന ഭരണകൂടം പക്ഷെ ആ ദുരന്തത്തിന്റെ യഥാർത്ഥ കാരണം മറച്ചു വെക്കുകയാണ്. എല്ലാ തൊഴിലവകാശങ്ങളും ലംഘിച്ച്, അടിസ്ഥാന സൗകര്യങ്ങളെല്ലാം നിഷേധിച്ച് ഒഴിവുകളൊന്നും നികത്താതെ ഒരേ സമയം ലോക്കോ പെെലറ്റുമാരോടും ട്രെയിൻ യാത്രാ മാർ​ഗമായി കാണുന്ന ലക്ഷക്കണക്കിന് മനുഷ്യരോടും ഇന്ത്യൻ റയിൽവേ കാണിക്കുന്ന അത്യന്തം അപകടകരവും മനുഷ്യത്വ വിരുദ്ധവുമായ മനോഭാവത്തെ തുറന്നുകാണിക്കുകയാണിവിടെ.