1955ൽ ആണ് ഫിദല് കാസ്ട്രോയും ഏണെസ്റ്റോ ചെഗുവേരയും ആദ്യമായി കണ്ടുമുട്ടുന്നത്. ക്യൂബന് ഭരണാധികാരി ഫുല്ജെന്സിയോ ബാറ്റിസ്റ്റയുടെ ഏകാധിപത്യത്തിനെതിരെ സമരം നയിച്ച് സ്വയം നാടുകടത്തപ്പെട്ട് മെക്സിക്കോയില് എത്തിയതായിരുന്നു ഫിദല്. അക്കാലത്ത് അര്ജൻ്റീനയില് നിന്നുള്ള ഒരു യുവ ഡോക്ടര്, ലാറ്റിനമേരിക്കയിലുടനീളം താന് കണ്ട, മനുഷ്യരിലെ ദാരിദ്ര്യവും ഭരണകൂടത്തിൻ്റെയും ജന്മിത്വത്തിൻ്റെയും ചൂഷണവും നല്കിയ അസ്വസ്ഥതകളുമായി അലഞ്ഞു തിരിയുകയായിരുന്നു. ഫിദലിൻ്റെ ഇളയ സഹോദരന് റൗള് കാസ്ട്രോയായിരുന്നു ഉള്ളില് വിപ്ലവ ബോധത്തിൻ്റെ അഗ്നിസ്ഫുലിംഗങ്ങള് ഉറങ്ങുന്ന ഈ രണ്ട് മനുഷ്യരെ കൂട്ടിമുട്ടിച്ചത്. ചരിത്രപരമായ ഒരു ദൗത്യമായിരുന്നു …
