യൂറോപ്പിലെ പ്രക്ഷോഭങ്ങള്‍ നവഫാസിസത്തിനെതിരെയുള്ള ഇടതുപക്ഷത്തിൻ്റെ മുന്നേറ്റത്തെയും കൂടി പ്രതിഫലിപ്പിക്കുന്നുണ്ട്. അപ്പോഴും ഇസ്ലാമിസ്റ്റുകളാണ് പ്രതിഷേധത്തിനു പിന്നിലെന്ന നരേഷന്‍ സൃഷ്ടിക്കാൻ ട്രംപും മക്രോണും പ്രൊപ്പഗാണ്ട നടത്തുന്നുണ്ട്. ഇന്ത്യയിലും ഫാസിസ്റ്റ് നയങ്ങള്‍ക്കെതിരെ വിദ്യാര്‍ത്ഥികളും യുവജനങ്ങളും പ്രതിപക്ഷ പാർട്ടികളും നടത്തിക്കൊണ്ടിരിക്കുന്ന സമരം 40 വര്‍ഷമായി അടിച്ചേൽപ്പിക്കപ്പെട്ട നവലിബറലിസത്തിനും തീവ്രവലതുപക്ഷത്തിനുമെതിരായ സാര്‍വദേശീയ പ്രതിരോധങ്ങളുടെ ഭാഗമായി തന്നെ വായിക്കപ്പെടണം.
